Xarici xəbərlər

Tramp ABŞ-Venesuela əməkdaşlığı səbəbindən ikinci hücum dalğasını dayandırdı

ABŞ Prezidenti Donald Tramp açıqlayıb ki, ABŞ Venesuelaya qarşı ikinci hücum dalğasını ləğv edib, çünki ölkələr neft və qaz sektorunda uğurla əməkdaşlıq qurublar.

Crossmedia.az bu barədə Bloomberg-ə istinadən xəbər verir.

Məlumata görə, Tramp “TruthSocial” sosial şəbəkəsində yazıb ki, Karakas və Vaşinqton artıq neft və qaz infrastrukturunun bərpası da daxil olmaqla, birgə işləri uğurla həyata keçirir. O, əlavə edib ki, iri neft şirkətləri Venesuelaya ən azı 100 milyard dollar sərmayə qoyacaq.

Venesuelanın neft sənayesinin bərpası böyük vəsait və zaman tələb edəcək. Rays Universitetinin Beyker İctimai Siyasət İnstitutunun Latın Amerikası enerji siyasəti direktoru Fransisko Monaldi hesab edir ki, Venesuelanın neft sektorunu 1970-ci illərin səviyyəsinə qaytarmaq üçün təxminən 10 il və 100 milyard dollar lazım olacaq.

Nəzrin Abbas

🖨 Çap et

14:33 09.01.2026

Oxunuş sayı: 1438