Qrenlandiya ABŞ-nin təhdidlərinə etiraz edib
Qrenlandiyanın Baş naziri Yens-Frederik Nielsen ABŞ-nin ada ilə bağlı səsləndirdiyi bəyanatları sərt tənqid edib.
Crossmedia.az xarici mediaya istinadən xəbər verir ki, o, Vaşinqtonun Qrenlandiyaya dair ritorikasını hörmətsiz və qəbuledilməz adlandıraraq, "ilhaq fantaziyalarına" son qoymağa çağırıb.
Nielsen bildirib ki, ABŞ prezidentinin Qrenlandiyaya "ehtiyac"dan danışması, adanı Venesuela və mümkün hərbi müdaxilə mövzusu ilə əlaqələndirməsi düzgün deyil və dost ölkələr arasında münasibətlərə ziddir. Baş nazir vurğulayıb ki, təzyiq, hədə və ilhaqla bağlı eyhamlar məsuliyyətli, sabit və sadiq bir xalqla dialoq forması ola bilməz.
Onun sözlərinə görə, Qrenlandiya öz mövqeyində qətidir və ABŞ-dən bu cür yanaşmaya son qoyulmasını gözləyir.
17:30 05.01.2026
Oxunuş sayı: 1829
