88 yaşlı Entoni Hopkinsdən həyat dərsləri
88 yaşlı məşhur aktyor Entoni Hopkins yaşla birlikdə qazandığı həyat təcrübələri və düşüncə tərzindəki dəyişikliklərlə bağlı fikirlərini bölüşüb.
Hopkins bildirib ki, illər keçdikcə insan anlayır ki, dünya onun çiyinlərində dayanmır və başqalarını razı salmaq yox, özünü sevmək və dəyərləndirmək daha önəmlidir. Onun sözlərinə görə, hər kəsi düzəltməyə çalışmaq əvəzinə daxili sülhü qorumaq daha qiymətlidir.
Aktyor vurğulayıb ki, yaş artdıqca duyğulardan utanmamaq, insanlara daha səxavətli yanaşmaq və xırda maddi məsələləri problemə çevirməmək öyrənilir. O qeyd edib ki, kompliment demək, ehtiyacı olanlara dəstək olmaq və zahiri görünüşdən çox şəxsiyyətə önəm vermək insanı daha xoşbəxt edir.
Entoni Hopkinsin fikrincə, eqonu bir kənara qoymaq, dəyər verməyən insanlardan uzaqlaşmaq və xoşbəxtliyə görə məsuliyyəti öz üzərinə götürmək həyatın ən vacib dərslərindəndir. Aktyor bildirib ki, insanı həqiqətən azad və rahat edən də məhz bu düşüncə tərzidir.
16:26 04.01.2026
Oxunuş sayı: 2903
