Kanadada azyaşlı soydaşlarımız üçün kitab nəşr olunub
Kanadada yaşayan azyaşlı soydaşlarımız üçün ingilis dilində Azərbaycan nağıllarından ibarət “Azerbaijani Fairy Tales” adlı kitab nəşr olunub.
Crossmedia.az bu barədə Diasporla İş Üzrə Dövlət Komitəsinə istinadən xəbər verir.
Kitab Saskatçevan vilayətinin Recayna şəhərində fəaliyyət göstərən “Recayna Azərbaycan Mədəniyyəti Assosiasiyası”nın təşəbbüsü ilə işıq üzü görüb.
Nəşrin əsas məqsədi xaricdə yaşayan azərbaycanlı uşaqlara milli mədəniyyətimizi, folklorumuzu və zəngin nağıl irsimizi öyrətmək, eyni zamanda bu irsi beynəlxalq oxucu auditoriyasına təqdim etməkdir.
Assosiasiyanın rəhbəri Rəna Fərəcova kitabın dünyanın müxtəlif ölkələrində yaşayan soydaşlarımız üçün əlçatan olması məqsədilə onun onlayn platformalarda satışının planlaşdırıldığını bildirib.
14:32 24.12.2025
Oxunuş sayı: 1303
