Xarici xəbərlər

Tramp Tokayevə imzalı papaq və Ağ Evin açarını hədiyyə edib

ABŞ Prezidenti Donald Tramp Qazaxıstan Prezidenti Kasım-Jomart Tokayevə qeyri-adi və rəmzi hədiyyə göndərib. Məlumata görə, Tramp Tokayevə öz imzası olan beysbol papağı və Ağ Evin simvolik açarını təqdim edib.

Crossmedia.az xəbər verir ki,bu jest iki ölkə arasında diplomatik münasibətlərin möhkəmləndirilməsi və şəxsi dostluq münasibətlərinin ifadəsi kimi qiymətləndirilir. Hədiyyələr rəmzi xarakter daşıyır və Trampın Tokayevə olan hörmət və ehtiramını əks etdirir.

Qeyd edək ki, bu cür qeyri-adi diplomatik jestlər beynəlxalq münasibətlərdə nadir hallarda baş verir və adətən xüsusi əhəmiyyətli tərəfdaşlıqların və ya şəxsi simpatiyanın göstəricisi kimi qəbul olunur.

Rəsmi dairələrdən hələlik bu hədiyyənin detalları və təqdimat mərasimi ilə bağlı əlavə açıqlama verilməyib.

Nastya Qəniyeva

🖨 Çap et

10:42 23.12.2025

Oxunuş sayı: 1204