Xarici xəbərlər

ABŞ Ukraynaya təhlükəsizlik zəmanətləri verəcək – Zelenski

ABŞ Ukraynaya təhlükəsizlik zəmanətləri təqdim edəcək, lakin bu zəmanətlərin bir hissəsi ictimaiyyətə açıqlanmayacaq. Bu barədə Ukrayna Prezidenti Volodimir Zelenski məlumat verib.

Crossmedia.az xəbər verir ki,onun sözlərinə görə, Ukrayna, Avropa ölkələri və ABŞ arasında təhlükəsizlik zəmanətlərini əhatə edən çərçivə xarakterli sənəd mövcuddur. Bundan əlavə, Kiyev və Vaşinqton arasında ayrıca ikitərəfli təhlükəsizlik zəmanətləri haqqında sənəd hazırlanıb.

Zelenski bildirib ki, məhz ABŞ ilə imzalanacaq ikitərəfli sənəd real və konkret təhlükəsizlik mexanizmlərini özündə ehtiva edir. Həmin sənəd ABŞ Konqresində baxılmalı və təsdiqlənməlidir. Bununla yanaşı, sənədin bəzi detalları və əlavə bölmələri məxfi qalacaq və açıq şəkildə dərc olunmayacaq.

Ukrayna prezidenti vurğulayıb ki, təhlükəsizlik zəmanətləri ölkənin müdafiə qabiliyyətinin gücləndirilməsi, uzunmüddətli sabitliyin təmin olunması və gələcəkdə mümkün təhdidlərin qarşısının alınması baxımından mühüm əhəmiyyət daşıyır.

Nastya Qəniyeva

🖨 Çap et

10:22 23.12.2025

Oxunuş sayı: 1333