Ramzan Kadırov idmana verdiyi töhfələrə görə daha bir mükafat alıb
Çeçenistan Respublikasının rəhbəri Ramzan Kadırov “İdmanda nailiyyətlərə görə” fəxri nişanı ilə təltif olunub. Mükafat ona regionda idmanın inkişafı və geniş şəkildə təşviqinə verdiyi əhəmiyyətli töhfələrə görə təqdim edilib.
Crossmedia.az xəbər verir ki,məlumata görə, Ramzan Kadırovun rəhbərliyi dövründə Çeçenistanda idman infrastrukturunun genişləndirilməsi, yeni idman komplekslərinin inşası və gənclərin idmana cəlb olunması istiqamətində bir sıra layihələr həyata keçirilib. Bu addımlar respublikada sağlam həyat tərzinin təşviqinə və peşəkar idmançıların yetişdirilməsinə xidmət edir.
Qeyd edək ki, Çeçenistan rəhbəri daha əvvəl də müxtəlif sahələrdə, o cümlədən idman, sosial və ictimai fəaliyyətlərinə görə bir sıra mükafat və fəxri adlara layiq görülüb.
Nastya Qəniyeva
09:35 23.12.2025
Oxunuş sayı: 1175
