Etibarlı tərəfdaşlıq və erkən pensiya: dövlət dəstəyi və yeni imkanlar
Azərbaycan Respublikasının Prezidenti İlham Əliyev tərəfindən təsdiq edilmiş “Etibarlı Tərəfdaş Konsepsiyası” sahibkarlığa dövlət dəstəyi mexanizmlərinin səmərəliliyinin artırılması və iqtisadiyyatın dayanıqlı inkişafının təmin edilməsi baxımından ölkə üçün önəmli təşəbbüsdür. Konsepsiya çərçivəsində nəzərdə tutulmuş tədbirlərin əlaqələndirilməsi və icrasına Nazirlər Kabineti nəzarət edəcək, tədbirlərin icra vəziyyəti barədə isə ildə bir dəfə Prezidentə məlumat veriləcək. Eyni zamanda, tədbirlərin monitorinqi və qiymətləndirilməsi İqtisadi İslahatların Təhlili və Kommunikasiya Mərkəzi tərəfindən həyata keçiriləcək. Bu təşəbbüs dövlət-sahibkar münasibətlərinin şəffaflığının təmin olunması və biznes mühitinin etibarlı tərəfdaşlıq prinsipləri əsasında inkişaf etdirilməsi baxımından mühüm əhəmiyyət kəsb edir.
Mövzu barədə Crossmedia.az-a danışan Milli Məclisin deputatı Vüqar Bayramov bildirib ki, Nazirlər Kabineti tərəfindən müəyyən edilmiş yeni qaydalar, bir tərəfdən vətəndaşlara daha erkən pensiyaya çıxmaq imkanını genişləndirir, eyni zamanda prosedurların sadələşdirilməsinə gətirib çıxarır.
Deputat qeyd edib ki, bəzi hallarda vətəndaşların işlədiyi müəssisə və ya qurum bağlandığı üçün sonradan arayış almaq çətin olurdu: "Yeni qaydalar sayəsində vətəndaşlar əmək hesabçasında qeyd və ya arxivdən olan arayışla, yaxud digər qanunvericiliklə təsdiq edilmiş sənədlə erkən pensiya yaşını təmin edə və hüquqlarını qazana biləcəklər".
“Bu baxımdan, vətəndaşlarımız üçün müəssisə üzrə pensiyaya çıxmaq yeni bir imkandır. Sözsüz ki, siyahının genişləndirilməsi ilə bağlı təkliflərimiz də mövcuddur. Əsasən dövlətin neft sektorunda və dövlət neft şirkətində çalışan vətəndaşlarımız üçün bu, erkən pensiyaya çıxmaq imkanını artıracaq. Güman edirik ki, müvafiq qiymətləndirmələr nəticəsində qərarlar veriləcək və daha çox vətəndaşımız bu hüququ əldə edəcək”, – deyə Vüqar Bayramov əlavə edib.
Mehriban Yariyeva
21:00 06.12.2025
Oxunuş sayı: 988
