Maaş və pensiya kartlarından da faiz tutulacaq? - "Birbank"-dan açıqlama
Yeni qayda əmək haqqı və təqaüd (pensiya) kartlarına şamil edilmir.
Crossmedia.az xəbər verir ki, bu barədə “Birbank” məlumat yayıb.
“Əmək haqqı və pensiya kartlarından Birbank/Kapital Bank bankomatlarından nağdlaşdırma etdikdə əvvəlki kimi heç bir komissiya tutulmur. 27.11.2025 tarixindən etibarən edilən dəyişiklik yalnız seçilmiş müştərilərin Birbank debet kartlarına, kredit kartlarındakı şəxsi vəsaitlərə və Bakcell Ko-brend kartına aiddir”, - məlumat da qeyd olunub.
Qeyd edək ki, bundan öncə “Birbank” istifadəçilərinə 27 noyabr tarixindən etibarən “Kapital Bank” ATM-lərindən nağdlaşdırma və digər bank kartlarına köçürmə əməliyyatlarında 1% komissiya tətbiq olunacağı barədə mesaj göndərilib.
15:37 24.11.2025
Oxunuş sayı: 1770
