Gənclər və İdman
Azərbaycan boksçusu İslamiadaya qələbə ilə başladı
Azərbaycan boksçusu Aynur Mikayılova Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarına qələbə ilə başlayıb.
Crossmedia.az xəbər verir ki, 57 kiloqram çəkidə döyüşən Aynur Mikayılova 1/4 finalda Hadeel Aşuru (Səudiyyə Ərəbistanı) məğlub edib. O, rəqibinə 5:0 (30:27, 30:27, 30:27, 30:27, 30:27) hesabı ilə qalib gəlib. A.Mikayılova yarımfinala yüksəlməklə özü üçün azı bürünc medalı da təmin edib.
Qeyd edək ki, boksçumuz noyabrın 9-da yarımfinalda ilk döyüşdən azad olan Noura Abunabla (Fələstin) qarşılaşacaq.
20:38 06.11.2025
Oxunuş sayı: 961
