Ukrayna xüsusi təyinatlıları Rusiya ordusunun yanacaq bazasını məhv edib
Ukraynanın Xüsusi Əməliyyat Qüvvələri 27 oktyabr gecəsi müvəqqəti işğal olunmuş Luqansk vilayəti ərazisində Rusiya ordusunun təminat obyektlərinə uğurlu zərbələr endirib.
Crossmedia.az bildirir ki, əməliyyat zamanı Rusiya ordusunun texnikasının təminatı üçün istifadə olunan ön xəttə yaxın yanacaq-sürtkü materialları anbarı və neft bazası məhv edilib.
Hərbçilərin məlumatına görə, SSO-nun dronları zərbəni çənlər yanacaqla dolu olduğu anda endirib ki, bu da partlayışların effektini və dağıntının miqyasını xeyli artırıb.
Kəşfiyyatın məlumatına əsasən, yanacağın detonasiya nəticəsində Rusiya ordusu hücum əməliyyatlarını dəstəkləmək üçün vacib olan resurslarda ciddi itkilər verib.
Xüsusi Əməliyyat Qüvvələrinin komandanlığı vurğulayıb ki, Ukrayna xüsusi təyinatlıları düşmənin logistikasına asimmetrik zərbələr endirməkdə davam edir. Bu addımlar Rusiya qoşunlarının hücumlarını ləngitmək və onların döyüş potensialını zəiflətmək məqsədi daşıyır.
18:12 27.10.2025
Oxunuş sayı: 1361
