Ermənistan və İran sadələşdirilmiş gömrük koridoru yaratmağı planlaşdırır
Ermənistan və İran sadələşdirilmiş gömrük koridoru yaratmaq niyyətindədir. Bu təşəbbüs iki ölkə arasında ticarət əlaqələrinin sürətləndirilməsi və regional iqtisadi əməkdaşlığın gücləndirilməsi məqsədi daşıyır.
Bu barədə Crossmedia.az bildirir ki, Ermənistan Dövlət Gəlirləri Komitəsinin sədri Eduard Akopyan məlumat verib. Onun sözlərinə görə, hazırda tərəflər razılaşmanın bağlanması üçün danışıqlar aparır və gözlənilir ki, bu danışıqlar yaxın vaxtlarda yekunlaşacaq.
Akopyan həmçinin qeyd edib ki, Ermənistan ABŞ ilə də əməkdaşlığı davam etdirir. Bu əməkdaşlıq çərçivəsində gömrük sistemi üçün müasir avadanlıqların alınması və bəzi monitorinq sistemlərinin tətbiqi planlaşdırılır. Bu addımların məqsədi gömrük prosedurlarını daha şəffaf, sürətli və təhlükəsiz etmək, həmçinin ticarət əlaqələrini genişləndirməkdir.
“Eyni zamanda, ABŞ-lə gömrük sistemi üçün avadanlıqların alınması və bəzi monitorinq sistemlərinin tətbiqi üzrə əməkdaşlıq aktiv şəkildə irəliləyir”, — deyə o bildirib.
Türkanə Məşədiyeva
14:01 27.10.2025
Oxunuş sayı: 961
