İsraildən rekord sayda yəhudi köç edib
Knesset Tədqiqat Mərkəzinin yeni hesabatına görə, 2020-ci ildən 2024-cü ilə qədər İsraildən gedənlərin sayı geri qayıdanların sayından təxminən 146.000 nəfər çox olub ki, bu da son illərdə rekord göstəricidir.
Crossmedia.az xəbər verir ki, miqrasiya 2022 və 2023-cü illərdə əhəmiyyətli dərəcədə artıb və müvafiq olaraq 59.400 və 82.800 israilli ölkəni tərk edib. Bu artım qismən 2023-cü ilin oktyabrında Qəzzə müharibəsinin başlaması ilə bağlıdır.
2024-cü ildə ən çox mühacir Təl-Əviv sakinləri (14%), ardınca Hayfa (7,7%), Netanya (6,9%) və Qüds (6,3%) sakinləri arasında olub.
Parlamentin immiqrasiya və diaspora komitəsinin sədri Gilad Kariv vəziyyəti "miqrasiya sunamisi" adlandırıb və vurğulayıb ki, "getdikcə daha çox israilli gələcəklərini xaricdə qurur və getdikcə daha az insan geri qayıdır".
O, əhali axınının İsrail cəmiyyətinin sabitliyinə strateji təhlükə yaratdığı barədə xəbərdarlıq edərək, əlavə edib ki, hazırkı Netanyahu hökuməti "sionist dəyərlərini və vətəndaş birliyini zəiflədən prioritetləri ilə böhranı dərinləşdirir".
22:15 24.10.2025
Oxunuş sayı: 1092
