Orban: Ukrayna müstəqil deyil
Macarıstanın baş naziri Viktor Orban Budapeştdə keçirilən antimuharibə mitinqindən sonra çıxış edərək bildirib ki, Ukrayna artıq suverenliyini itirib və onun gələcəyi digər dövlətlərin qərarlarından asılıdır.
Bu barədə Crossmedia.az xarici mediaya istinadən xəbər verir.
“Ukrayna artıq nə müstəqildir, nə də öz taleyini müəyyən edə bilir. Onun gələcəyi başqalarının əlindədir”, — deyə Orban qeyd edib.
Baş nazirin sözlərinə görə, Qərbin Kiyevə dəstək bəhanəsi əslində “Avropanın köhnə müstəmləkəçi məntiqinin” davamıdır. O əlavə edib ki, Avropa İttifaqında Ukraynanın mümkün bölünməsi ilə bağlı müzakirələr də aparılır.
Viktor Orban əvvəllər də Ukraynaya hərbi dəstəyin əleyhinə çıxış edib və münaqişənin diplomatik yolla həllinin vacibliyini vurğulayıb.
Mehriban İbrahimli
15:44 24.10.2025
Oxunuş sayı: 1173
