Belə münaqişələr təkcə iqtisadi deyil, həm də siyasi gərginlikləri artırır - RƏY
Son günlər Vaşinqton və Pekin arasında ticarət gərginliyinin artması beynəlxalq iqtisadi gündəmin əsas mövzularından birinə çevrilib. Dünyanın iki ən böyük iqtisadi gücü arasında baş verən bu qarşıdurma yalnız ikitərəfli münasibətlərə deyil, həm də qlobal ticarət sisteminə və dünya bazarlarında qiymət sabitliyinə ciddi təsir göstərir. Ekspertlər hesab edir ki, tərəflər arasında iqtisadi təzyiqlərin dərinləşməsi beynəlxalq maliyyə axınlarını dəyişdirə və yeni geoiqtisadi balansın formalaşmasına səbəb ola bilər.
Məsələ ilə bağlı politoloq Oqtay Qasımov Crossmedia.az-a açıqlamasında qeyd edib ki, ABŞ və Çin arasındakı münasibətlər qlobal sabitlik üçün həlledici xarakter daşıyır: “Amerika və Çin arasındakı münasibətlər dünyadakı ümumi duruma ciddi şəkildə təsir edir. Hər iki dövlət dünyanın ən güclü iqtisadiyyatına, siyasi və hərbi potensiala malikdir. Onlar arasındakı ticarət dövriyyəsi yarım trilyon dollar ətrafında dəyişir və bu rəqabət, eləcə də ticarət savaşları qlobal iqtisadiyyata mənfi təsir göstərə bilər”.
Politoloq bildirib ki, ABŞ-nin tətbiq etdiyi ticarət tarifləri və Çinin qarşılıqlı addımları təkcə iki ölkə arasındakı iqtisadi dövriyyəyə deyil, həm də beynəlxalq ticarət axınlarına təsir edir. “Belə münaqişələr təkcə iqtisadi deyil, həm də siyasi gərginlikləri artırır və beynəlxalq stabillik üçün təhdidlər yaradır,” – deyə o əlavə edib.gərginlikləri artırır və beynəlxalq stabillik üçün təhdidlər yaradır,” – deyə o əlavə edib. Nigar Yahyazadə
Nigar Yahyazadə
17:41 16.10.2025
Oxunuş sayı: 1576
