Xarici xəbərlər

İtaliyanın Baş naziri Giorgia Meloni Beynəlxalq Cinayət Məhkəməsinə verildi

İtaliyanın Baş naziri Giorgia Meloni, Müdafiə naziri Guido Crosetto, Xarici İşlər Naziri Antonio Tajani və “Leonardo” şirkətinin baş direktoru Roberto Cingolani haqqında Beynəlxalq Cinayət Məhkəməsinə (BÇM) şikayət ərizəsi verilib. Onlar Qəzza zolağında baş verən hadisələrlə bağlı “guya soyqırımda şəriklikdə” ittiham olunurlar.

Crossmedia.az İtaliyanın “La Repubblica” nəşrinin məlumatına istinadən xəbər verir ki, məsələ İsrailə silah tədarükü və bu silahların Qəzza müharibəsində istifadə olunması ilə əlaqələndirilir.

Baş nazir Giorgia Meloni məsələ ilə bağlı açıqlamasında bildirib:

"Mənə, həmkarlarıma və “Leonardo” şirkətinin baş direktoruna qarşı soyqırımda şəriklik ittihamı ilə Beynəlxalq Cinayət Məhkəməsinə müraciət edilib. Düşünürəm ki, nə dünyada, nə də tarixdə bu cür bir ittihama rast gəlinib".

Mehriban İbrahimli

🖨 Çap et

11:27 08.10.2025

Oxunuş sayı: 2435