Bild: Asiyanın ən böyük duz gölü – Urmu tamamilə quruyub
Almaniyanın nüfuzlu Bild nəşri peyk görüntülərinə istinadən xəbər verir ki, Asiyanın ən böyük duz gölü hesab olunan və 4000 ildən çox tarixi olan Urmu gölü tamamilə quruyub.
Crossmedia.az xarici KİV-ə istinadən xəbər verir ki, bir vaxtlar Avropanın Konstans gölündən on dəfə böyük olan Urmu gölünün yerində indi yalnız bir neçə kiçik duzlu gölməçə qalıb.
Bu ekoloji fəlakətin səbəbi təkcə iqlim dəyişikliyi deyil, həm də İran hakimiyyətinin illərlə davam edən səhlənkarlığı və su ehtiyatlarının yanlış idarə edilməsidir. Nəşr qeyd edir ki, Tehran problemin qarşısını almaq üçün tədbirlər görə bilsə də, sadəcə izləyici mövqedə qalıb.
Iran News Update isə ölkədə bir milyondan çox qanunsuz su quyusunun olduğunu, bunun da qrunt sularının sürətlə tükənməsinə gətirib çıxardığını vurğulayıb.
Hər iki nəşr İran hakimiyyətini tənqid edərək bildirir ki, Tehran daxili problemlərə deyil, silahlı qruplaşmalara – xüsusilə də HƏMAS-a – külli miqdarda maliyyə vəsaiti ayırır.
20:55 25.09.2025
Oxunuş sayı: 958
