Ərdoğan BMT-ni tənqid etdi və islahatlara çağırdı
Türkiyə Prezidenti Rəcəb Tayyib Ərdoğan BMT-nin mövcud quruluşunun müasir dünyanın reallıqlarını əks etdirmədiyini bildirib. Onun sözlərinə görə, təxminən səkkiz onillik əvvəl yaradılmış mexanizm humanitar böhranlara effektiv reaksiya verə bilmir, BMT Təhlükəsizlik Şurasında veto hüququ isə sistemi yalnız beş dövlətin maraqlarının əsirinə çevirir.
Crossmedia.az xarici KİV-ə istinadən xəbər verir.
Ərdoğan vurğulayıb ki, Ankara təşkilat daxilində islahatlar aparılması uğrunda mübarizəni davam etdirəcək və Fələstin dövlətinin tanınması məsələsini gündəmdə saxlayacaq.
“Bizim Prezident Tramp ilə birlikdə bölgədə sülhü qorumaq, sabitliyi möhkəmləndirmək və münaqişələrə son qoymaq kimi böyük məsuliyyətimiz var”, – deyə Ərdoğan qeyd edib.
O, ABŞ səfəri çərçivəsində bir sıra dünya liderləri ilə görüşlər keçirəcəyini və BMT baş katibi Antoniu Quterreşlə də müzakirələr aparacağını bildirib.
Yaxın Şərq mövzusuna toxunan Ərdoğan xatırladıb ki, artıq bir çox ölkə Fələstin dövlətini tanıyıb və bu addımların iki müstəqil dövlətin yaradılması istiqamətində qərarın reallaşmasını sürətləndirəcəyinə ümidvar olduğunu bildirib.
Suriya məsələsinə də diqqət çəkən Türkiyə lideri vurğulayıb:
“Türkiyə Suriyanı tək qoymayacaq, onun güclənməsi və bərpası üçün bütün imkanlardan istif
adə edəcək".
18:02 22.09.2025
Oxunuş sayı: 3005
