Gənclər və İdman Nazirliyində Avropa Su İdmanı Federasiyasının prezidenti ilə görüş keçirilib
Sentyabrın 22-də gənclər və idman naziri Fərid Qayıbov
Avropa Su İdmanı Federasiyasının prezidenti Antonio Silva ilə görüşüb.
Nazirliyin mətbuat xidmətindən Crossmedia.az-a verilən məlumata görə,
nazir bu gün Avropa Su İdmanı Federasiyası, Azərbaycan Üzgüçülük Federasiyası,
Azərbaycan Tibb Universiteti və Azərbaycan İdman Akademiyası arasında imzalanan
memorandumun bu idman növünün inkişafına dəstək olacağına əminliyini ifadə
edib. Görüşdə Avropa Su İdmanı Federasiyası ilə əməkdaşlıq perspektivləri,
üzgüçülük idmanının inkişafı və birgə layihələrin həyata keçirilməsi məsələləri
müzakirə olunub. Tərəflər qarşılıqlı əlaqələrin genişləndirilməsinin
vacibliyini vurğulayıblar.
Görüşdə Azərbaycan Üzgüçülük Federasiyasının prezidenti Zaur
Əliyev, Gənclər və İdman Nazirliyinin İdman şöbəsinin müdiri Elnur Məmmədov və
federasiyanın baş katibi Oqtay Atayev iştirak ediblər.
17:04 22.09.2025
Oxunuş sayı: 983
