Mustafa Cəmilev: “Türk dünyasına zülm edənlərlə ittifaq olmaz”
Krım türklərinin lideri, Ukrayna Ali Radasının deputatı Mustafa Cəmilev (Krımoğlu) Rusiya və Çinlə mümkün ittifaq məsələsinə münasibət bildirib. Onun sözlərinə görə, bu dövlətlər türk xalqlarına ən çox zülm edənlərdir:
Crossmedia.az nitqi təqdim edir:
“Türk dünyasına ən çox zülm edənlər faşist Rusiyası və kommunist Çinidir. Biri Krım və digər türk xalqlarına, digəri isə uyğur türklərinə qarşı soyqırım və etnosid həyata keçirir. Əgər bu dövlətlərlə ittifaq qurmaq istəyirsinizsə, ora Şimali Koreya və Belarusu da əlavə edin. Bütün pisliklər bir yerdə olsun. Biz də sizin bu pislik ittifaqınıza uğursuzluq arzulayaq”.
Cəmilev bildirib ki, Rusiya və Çinlə ittifaq Türkiyənin türk dünyası üçün kabus olacaq.
O, həmçinin Cənubi Qafqazda Azərbaycanın yaratdığı yeni reallığı yüksək qiymətləndirib: “Azərbaycan torpaqlarını işğaldan azad edərək tarixi ədaləti bərpa etdi. Mən Prezident İlham Əliyevə Ukraynanın ərazi bütövlüyünə göstərdiyi davamlı dəstəyə görə təşəkkür edirəm. Krım tatarları olaraq biz Ukraynanın türk dünyası ilə münasibətlərində vacib körpüyük. Prezident Əliyev hər zaman Krım tatar icması ilə görüşür və dəstəyini ifadə edir. Azərbaycan xalqı bizə doğma və qardaş xalqdır. Mən bu qəhrəman xalqa salamlarımı çatdırıram”.
Mustafa Cəmilev, Krım türklərinin lideri, Ukrayna Ali Radasının üzvü
16:39 22.09.2025
Oxunuş sayı: 2859
