Gənclər və İdman
Azərbaycan paraüzgüçüsü Sinqapurda dünya çempionu olub
Azərbaycanın üç qat
paralimpiya çempionu Raman Salei (S12 kateqoriyası) Sinqapurun eyniadlı
paytaxtında keçirilən paraüzgüçülük üzrə dünya çempionatının qalibi olub.
Bu barədə Crossmedia.az-a Milli Paralimpiya Komitəsinin mətbuat xidmətindən bildirilib.
İdmançı yarışın ilk günündə 100 metr
məsafəyə arxası üstə üzmə üsulunda 1:01.58 nəticə ilə qızıl medal qazanıb.
Qeyd edək ki, dördüncü dəfə dünya
çempionu olan R.Salei sentyabrın 27-nə qədər davam edəcək yarışda 100 metr
məsafəyə sərbəst, "butterfly" (kəpənək) və 50 metr məsafəyə sərbəst
üzmə üsullarında da mübarizə aparacaq.
17:06 21.09.2025
Oxunuş sayı: 748
