Azərbaycanla Bolqarıstan arasında sığorta-pensiya sistemi və sosial təminat sahəsində müzakirələr aparılıb
Dövlət Sosial Müdafiə Fondunun (DSMF) nümayəndə heyəti Bolqarıstanın paytaxtı Sofiya şəhərində həmin ölkənin Milli Sosial Təminat Qurumunun (MSTQ) sədri Vesela Karaivanova-Naçeva ilə görüşüb.
Crossmedia.az Fondun mətbuat xidmətinə istinadən xəbər verir ki, görüşdə DSMF-nin İdarə Heyətinin sədr müavini Mətin Əsgər sosial sığorta və sosial təminat sahəsində son illər ərzində ölkəmizdə aparılan islahatlar barədə məlumat verib.
Azərbaycanda bu sahədə həyata keçirilən innovativ yanaşmalar, əhaliyə göstərilən proaktiv xidmətlər, sığorta-pensiya sistemi və sosial təminat sahəsində müəyyən edilmiş prioritetlər diqqətə çatdırılıb.
Vesela Karaivanova-Naçeva sosial təminat sahəsində Bolqarıstanda aparılan islahatlar barədə məlumat verib və pensiya təminatında innovativ yanaşmaların tətbiqi sahəsində Azərbaycanın təcrübəsinin öyrənilməsində maraqlı olduqlarını qeyd edib.
Görüş çərçivəsində DSMF ilə MSTQ arasında ötən il Bakıda imzalanmış əməkdaşlıq haqqında Anlaşma Memorandumunun 2025-2026-cı illər üzrə icrası ilə bağlı Tədbirlər Planı da imzalanıb.
Sonra Bolqarıstan və Azərbaycanın pensiya-sığorta sisteminə dair təqdimatlar olub. Hər iki ölkənin sosial təminat sistemlərinin oxşar və fərqli xüsusiyyətləri müzakirə edilib, qarşılıqlı maraq doğuran mövzular ətrafında fikir mübadiləsi aparılıb.
20:27 18.09.2025
Oxunuş sayı: 775
