Çexiya NATO-nun şərq cinahının gücləndirilməsi üçün Polşaya helikopterlər göndərəcək
Çexiyanın xüsusi əməliyyatlar helikopter bölməsi yaxın saatlarda Polşaya gələcək.
Crossmedia.az xəbər verir ki, bölməyə üç Mi-171Š helikopteri və 150-yə yaxın hərbçi daxildir. Missiyanın fəaliyyət müddəti üç aydan çox olmayacaq, hərbçilər isə bir neçə gün ərzində öz tapşırıqlarını yerinə yetirməyə başlamalıdırlar.
Nazirin sözlərinə görə, qoşunların göndərilməsi bundan əvvəl Deputatlar Palatası tərəfindən təsdiq edilmiş və 2026-cı ilə qədər qüvvədə olacaq mandat çərçivəsində həyata keçirilir: “Söhbət [NATO]nun mütərəqqi mövcudluğu çərçivəsində şərq cinahının gücləndirilməsindən gedir”.
Keçən həftə NATO-nun Baş katibi Mark Rütte alyansın şərq cinahının müdafiəsinin gücləndirilməsinə yönəlmiş “Eastern Sentry” (“Şərq keşikçisi”) əməliyyatının başlandığını elan edib.
“Çexiya hələ ki bu təşəbbüsdə iştirak etmir. Əməliyyata qoşulmaq üçün parlamentin hər iki palatasında yeni mandatın təsdiqi tələb olunur”, - deyə Çernohova qeyd edib. O, dəqiqləşdirib ki, “Eastern Sentry”, ilk növbədə, inkişaf etmiş hava hücumundan müdafiə sistemləri olan ölkələrin cəlb edilməsini nəzərdə tutur.
Artırılan təhlükəsizlik tədbirləri bu yaxınlarda Polşanın hava məkanının pozulması ilə bağlıdır. Çərşənbə gününə keçən gecə orada 19 dron uçuşu qeydə alınıb. ABŞ Prezidenti Donald Trampın hadisəni “mümkün səhv” adlandırdığı vaxt, Varşava, Berlin, Brüssel və Kiyevdə bu hərəkətlər qəsdən atılmış addımlar kimi qiymətləndirilir.
22:20 14.09.2025
Oxunuş sayı: 5133
