İran XİN: AEBA müfəttişlərinə giriş icazəsi verilməyəcək
İranın xarici işlər naziri Abbas Əraqçı bu gün Misirə səfərinin sonunda bildirib ki, Tehran Atom Enerjisi üzrə Beynəlxalq Agentliyin (AEBA) müfəttişlərinə heç bir giriş icazəsi verməyəcək. Yeganə istisna Buşehr elektrik stansiyası ilə bağlı texniki proseslərdir.
Crossmedia.az xəbər verir ki, Nazirin sözlərinə görə, Buşehrdə aparılan işlər üzrə mövcud giriş Ali Milli Təhlükəsizlik Şurasının əvvəlki qərarına əsaslanır və bu, yeni razılaşma çərçivəsində nəzərdə tutulmayıb.
Əraqçı əlavə edib ki, Qahirədə AEBA-nın baş direktoru Rafael Qrossi ilə görüş keçirilib, lakin əldə edilən razılaşma konkret giriş icazələri yaratmır. Gələcəkdə veriləcək məlumatlara əsasən, girişin növü və şərtləri ayrıca müzakirə olunacaq.
18:52 10.09.2025
Oxunuş sayı: 816
