İsrail və Suriya nazirlərinin görüşündən nələr gözlənilir? - Türkiyəli şərhçi
İsrail müdafiə naziri Yisrail Katz bu həftə Suriya xarici işlər naziri Əsəd Həsən Əl-Şeybani ilə görüşməyə hazırlaşır.
Bu barədə "Əl-Ərəbiyyə" telekanalı məlumat yayıb.
Nazirlərin hansı məsələləri müzakirə edəcəyi və harada görüşəcəyi açıqlanmayıb.
Mümkün görüşün nəticələri barədə türkiyəli politoloq, dosent Cantürk Canər Crossmedia.az-la fikirlərini bölüşüb: “Şeybani ilə İsrailin strateji işlər nazirinin görüşəcəyi deyilirdi. Hələlik konkret məlumat yoxdur. Məsələyə dövlətlər səviyyəsində baxmaq lazımdır. Nazirlərin görüşündən nəticə gözləməyə dəyməz. İsrail Suriya ilə razılaşmaq istəmir. Ən azından, bu mənim fikrimdir. Problemlər dərindir. İsrail Qolan təpələrinin ona verilməsini istəyir”.
Kənan Novruzov
18:46 09.09.2025
Oxunuş sayı: 1491
