Dünya fond bazarlarında artım müşahidə olunub
Sentyabrın 9-da ABŞ və Avropa fond bazarlarında əsas indekslərdə artım müşahidə olunub.
Crossmedia.az xəbər verir ki, Dow Jones Industrial Average 0,25% artaraq 45 514,95 bənd, S&P 500 indeksi 0,21% yüksələrək 6 495,15 bəndə çatıb. Nasdaq Composite 0,45% irəliləyərək 21 798,70 bənd, NYSE Composite indeksi isə 0,18% artımla 21 173,64 bənd təşkil edib. Yeganə geriləmə Kanadanın S&P/TSX Composite indeksində qeydə alınıb – göstərici 0,08% azalaraq 29 027,73 bəndədək enib.
Avropa bazarlarında da əsas indekslər artım qeydə alınıb. Euro Stoxx 50 indeksi 0,84% artaraq 5 362,81 bəndə, Böyük Britaniyanın FTSE 100 indeksi 0,14% yüksələrək 9 221,44 bəndə, Almaniyanın DAX indeksi isə 0,89% artımla 23 807,13 bəndə çatıb. Fransanın CAC 40 indeksi 0,78% artaraq 7 734,84 bənd, İspaniyanın IBEX 35 indeksi isə 1,02% irəliləyərək 15 002,20 bənd səviyyəsində qərarlaşıb.
Analitiklər qeyd edirlər ki, ABŞ bazarlarında artım əsasən texnologiya şirkətlərinin səhmlərinə güclü tələbat və Federal Ehtiyat Sisteminin faiz dərəcələrini sabit saxlaya biləcəyi ilə bağlı gözləntilərlə əlaqələndirilir. İnvestorların iqtisadi artım perspektivlərinə dair nikbin əhval-ruhiyyəsi də indekslərin yüksəlməsini dəstəkləyib. Avropadakı artım isə enerji qiymətlərində sabitlik və iqtisadi bərpa prosesinə dair ümidlərlə bağlı olub.
Xüsusilə sənaye və bank sektorunda alışların güclənməsi indekslərin günü müsbət dinamika ilə bitirməsinə təsir göstərib.
09:05 09.09.2025
Oxunuş sayı: 923
