Qırğızıstan ŞƏT-ə sədrlik edir: sabitlik, inkişaf və “yaşıl” iqtisadiyyat kursu
Şanxay Əməkdaşlıq Təşkilatında (ŞƏT) sədrlik vəzifəsi rəsmi olaraq Çindən Qırğızıstana keçib. Bu, Qırğızıstan Respublikasının artıq dördüncü dəfə təşkilata sədrlik etməsi deməkdir. Yeni sədrlik ili “ŞƏT-in 25 ili: davamlı sülh, inkişaf və rifaha doğru birlikdə” devizi altında keçiriləcək.
Crossmedia.az xarici mediaya istinadən bildirir ki, Qırğızıstan Prezidenti Sadır Japarov Çinin Tyanjin şəhərində keçirilən sammitdə sədrlik dövrünün əsas prioritetlərini açıqlayıb. Prezident vurğulayıb ki, Qırğızıstanın rəhbərliyi dövründə təşkilatın əsas məqsədi uzunmüddətli sabitliyin gücləndirilməsi, iqtisadi əməkdaşlıq potensialının daha geniş açılması və yeni nəqliyyat marşrutlarının inkişaf etdirilməsi olacaq.
Bundan əlavə, dövlət başçısı bildirib ki, iqlim məsələlərində fəal əməkdaşlıq, “yaşıl” iqtisadiyyatın dəstəklənməsi və rəqəmsallaşma proseslərinin gücləndirilməsi də əsas istiqamətlər sırasında yer alır.
Mədəni və turizm sahəsində də yeni qərarlar qəbul olunub. Belə ki, 2026-cı il üçün Çolpon-Ata şəhəri ŞƏT-in turizm və mədəniyyət paytaxtı elan edilib. Bu addım regionun turizm imkanlarının daha geniş tanıdılmasına xidmət edəcək.
21:10 01.09.2025
Oxunuş sayı: 5320
