Kreml post-sovet ölkələrinə təsir üçün yeni qurum yaradır
Moskva post-sovet məkanında təsirini qorumağın yeni yollarını axtarır. Rusiya prezidenti Vladimir Putin “Strateji tərəfdaşlıq və əməkdaşlıq idarəsi” adlı yeni qurumun yaradılması barədə fərman imzalayıb. Yeni quruma isə Kremlə yaxınlığı ilə tanınan məmur Sergey Kiriyenko rəhbərlik edəcək.
Crossmedia.az xarici mediaya istinadən bildirir ki, gözəl ad altında gizlənən bu idarənin əsas məqsədi imperiya dövründən qalan ənənəni davam etdirməkdir: qonşu ölkələrin daxili işlərinə qarışmaq, seçkilərə təsir göstərmək və təbliğat aparmaq. Kremlin planı “yumşaq güc” alətindən istifadə edərək MDB dövlətlərinə və “Qlobal Cənub” ölkələrinə öz iradəsini qəbul etdirməkdir.
Eyni zamanda, daha əvvəl Kremlin inzibati işlər üzrə rəhbərinin müavini Dmitri Kozakın nəzarətində olan bir sıra strukturlar, o cümlədən sərhədyanı əməkdaşlıq üzrə qurumlar ləğv edilib. KİV-in məlumatına görə, Kozak yaxın vaxtlarda vəzifəsindən uzaqlaşdırıla bilər.
Mütəxəssislər bildirirlər ki, əslində Rusiya artıq etiraf edir: köhnə təzyiq metodları işləmir və Moskvanın təsir imkanları sürətlə azalır. Kreml dağılmaqda olan “imperiyanı” müxtəlif inzibati dəyişikliklərlə xilas etməyə çalışsa da, gözlənilən nəticənin əldə olunacağı ehtimal olunmur.
16:24 31.08.2025
Oxunuş sayı: 1243
