İsrail Hərbi Hava Qüvvələri Livanın cənubuna hava zərbələri endirib
İsrail Hərbi Hava Qüvvələrinə məxsus qırıcı təyyarələr bu gün səhər saatlarında Livanın cənubunda yerləşən şiə qruplaşması “Hizbullah”a aid hərbi obyektləri hədəfə alıb. Yerli Lebanon "24 xəbər" portalının məlumatına görə, azı səkkiz hava zərbəsi həyata keçirilib.
Crossmedia.az xarici mediaya istinadən bildirir ki, zərbələr əsasən Nabatiyyə şəhərinə yaxın yerləşən Əli Tahir bölgəsinə endirilib. Məlumata görə, həmin ərazidə şiə qüvvələrinin yeraltı komanda məntəqəsi yerləşir.
Bundan başqa, hava hücumlarının ərəblisəm, Arnun, Yohmor əl-Şuf və Habbuş qəsəbələri ilə yanaşı, Cəbal ər-Rihanə və İqlim ət-Tuffah dağlıq bölgələrində də həyata keçirildiyi qeyd olunur. Həmin ərazilərdə şiə qruplaşmalarına məxsus yeraltı sığınacaqlar və silah anbarlarının mövcud olduğu bildirilir.
Hazırda hücum nəticəsində insan tələfatı və ya maddi ziyan barədə hər hansı rəsmi məlumat açıqlanmayıb.
16:15 31.08.2025
Oxunuş sayı: 6639
