Ukrayna Rusiyaya qarşı yeni zərbələrə hazırlaşır
Ukrayna Prezidenti Volodimir Zelenski bildirib ki, ölkəsi Rusiyaya qarşı yeni hücumlar planlaşdırır. Dövlət başçısı vurğulayıb ki, artıq bütün “qüvvə və vasitələr” hazırlanıb. Zelenski bu açıqlamanı Ukrayna Silahlı Qüvvələrinin baş komandanı Aleksandr Sırski ilə keçirdiyi iclasdan sonra verib.
Crossmedia.az xarici mediaya istinadən bildirir ki, Zelenski həmçinin qeyd edib: “Bizim əsas vəzifəmiz ordunun gücünü artırmaq və hücum əməliyyatlarını davam etdirməkdir.” Onun sözlərinə görə, bu istiqamətdə hazırlıq işləri artıq yekunlaşmaq üzrədir və qarşıdan gələn günlərdə yeni mərhələyə start veriləcək.
Bununla yanaşı, Ukrayna sosial şəbəkələrində “Flamingo” tipli raketlərin buraxılış görüntüləri yayılıb. Ekspertlər hesab edirlər ki, bu, rəsmi Kiyevin Moskva üzərində təzyiq mexanizmlərini artırmaq niyyətindən xəbər verir.
15:48 31.08.2025
Oxunuş sayı: 718
