Drujba kəməri hədəf alınmamalıdır – Avropa Komissiyası
Drujba kəməri Avropanın enerji təhlükəsizliyinin mühüm hissəsidir.
Crossmedia.az xəbər verir ki, bu fikirləri Avropa Komissiyası sözçüsü Eva Hrncirova deyib. O, Drujba neft kəmərinin zərbə altında qalmamasının vacibliyini qeyd edib və məsələ ilə bağlı Kiyevdəki rəsmilərlə müzakirələr apardığını vurğulayıb.
Sözçü əlavə edib ki, bütün tərəflər kritik infrastrukturun qorunmasına məsuliyyətlə yanaşmalıdır: “Ukraynanın Drujba neft kəmərinə hücumları nəticəsində Aİ-nin enerji təhlükəsizliyi zərər görməyib, lakin enerji təhlükəsizliyi hələ də kritik əhəmiyyət daşıyır və Drujba kəməri də bu qaydadan kənarda deyil”.
Avropa Komissiyasının digər sözçüsü Arianna Podesta isə Aİ-nin Ukraynaya enerji tədarükünün davam etməsinin vacibliyini vurğulayaraq bütün tərəfləri kritik infrastrukturu qorumağa çağırıb.
Nihat Tahirov
16:05 28.08.2025
Oxunuş sayı: 5215
