Rusiyanın gecə hücumları Ukraynada dağıntı və itkilərə səbəb oldu
Rusiyanın işğalçı ordusu gecə Ukraynaya kombinə edilmiş hücum həyata keçirib.
Crossmedia.az xəbər verir ki, Kiyevdə artıq 4 nəfərin öldüyü, ən azı 22 nəfərin yaralandığı bildirilir:
“Paytaxtda 20-dən çox ərazidə dağıntılar qeydə alınıb, güclü yanğınlar davam edir. Birbaşa raket zərbəsi ilə 5 mərtəbəli bina tamamilə dağıdılıb, dağıntılar altında insanlar qalıb. Zərər çəkənlər arasında yaşayış binaları, fərdi evlər, parkinq, uşaq bağçası, ticarət mərkəzi və ofislər var”.
“Vinnitsa vilayətində kritik infrastruktur obyektləri hədəfə alınıb. Energetika obyektlərinin vurulması nəticəsində 29 yaşayış məntəqəsində 60 min abunəçi işıqsız qalıb, dəmir yolu nəqliyyatında gecikmələr yaranıb. Zaporojyedə şəhərin müəssisələrindən biri hücuma məruz qalıb və nəticədə güclü yanğın başlayıb.
Bundan əlavə, Rusiya ordusu mülki sərnişin dəmir yolu qatarlarını da hədəf alıb. “Intercity+” sürət qatarlarının parkı zərbə altında qalıb”.
Fidan Xəlilova
10:52 28.08.2025
Oxunuş sayı: 4289
