Avropa “üçlüyü” İrana qarşı sanksiyaların bərpasını gündəmə gətirir
Böyük Britaniya, Almaniya və Fransa 28 avqustda İrana qarşı sanksiyaların bərpası prosesinə başlaya bilər. Buna səbəb Tehranın nüvə proqramı ilə bağlı danışıqların nəticəsiz qalmasıdır. Məlumatı Reuters diplomatik mənbələrə istinadən yayıb.
Crossmedia.az bildirir ki, “Avropa üçlüyü” yaxın vaxtlarda BMT Təhlükəsizlik Şurasına bu barədə rəsmi məktub göndərməyi planlaşdırır. Məktub təqdim olunduqdan 30 gün sonra İrana qarşı maliyyə, bank, energetika və müdafiə sektorlarına aid sanksiyalar yenidən qüvvəyə minəcək.
Qərb diplomatlarından biri agentliyə açıqlamasında bildirib ki, məktub Təhlükəsizlik Şurasına göndərildikdən sonra real danışıqlar başlayacaq.
21:25 27.08.2025
Oxunuş sayı: 5978
