İsrail Avropanın anonim dövləti ilə beşillik müqavilə imzalayıb
İsrail şirkəti Elbit Systems 13 avqust 2025-ci ildə 1,635 milyard dollarlıq beşillik müqavilə imzaladığını açıqlayıb. Müqavilə Avropanın anonim bir dövləti ilə imzalanıb.
Crosmedia.az xəbər verir ki, müqaviləyə əsasən həmin ölkəyə yerüstü modullu çoxkalibrli raket kompleksləri PULS, həmçinin müxtəlif kəşfiyyat PUA-ları və süzən sursatlar, o cümlədən FPV dronları tədarükü ediləcək.
Bundan əlavə müqaviləyə:
-radio və radiotexniki kəşfiyyat və radioelektron mübarizə sistemləri,
-kəşfiyyat məlumatlarının toplanması və işlənməsi sistemləri,
-müasir elektro-optik sistemlər və gecəgörmə avadanlıqları,
-döyüş maşınlarının modernləşdirilməsi və müdafiə sistemləri daxildir.
Elbit Systems həmçinin rəqəmsallaşdırma və şəbəkə mərkəzli hərəkət üçün proqram təminatı və qabaqcıl rabitə avadanlıqları əsasında kompleks həlli təqdim edəcək. Bu paket C4ISR komanda-idarəetmə tətbiqlərini də əhatə edir və strateji qərargahdan tutmuş taktiki səviyyəyə, hər bir döyüş maşınına qədər bütün əməliyyat vasitələrini və səviyyələrini nəzərdə tutur.
İsrail mediasının məlumatına görə, sözügedən müştəri Serbiyadır. Xatırladaq ki, 2024-cü ilin noyabrında Serbiya Elbit Systems-lə 355 milyon dollarlıq müqavilə bağlamış və PULS raket kompleksləri ilə Hermes 900 PUAları almışdı. İndi əlavə müqavilə ilə PULS kompleksləri və onlara idarəolunan raketlər alınacaq.
Serbiya PULS-un yeddinci xarici alıcısı olub. Ondan əvvəl bu sistem Danimarka, Niderland, İspaniya, Almaniya və adı açıqlanmayan iki ölkəyə satılmışdı (onlardan biri Tailand ola bilər, orada kompleks D-11 adı ilə təqdim edilib). Yunanıstan və Avstriya da PULS komplekslərinin alınmasını ilkin olaraq təsdiqləyib.
Elbit Systems-in çoxməqsədli PULS raket kompleksi dünya bazarında ABŞ istehsalı M142 HIMARS-a alternativ kimi nəzərdən keçirilir.
Qeyd edək ki, 2024-cü ildən PULS İsrail quru qoşunlarının silahlanmasına daxil edilib və orada Lahav adı ilə istifadə olunur.
10:48 26.08.2025
Oxunuş sayı: 683
