Ermənistan Müstəqillik Bəyannaməsinin qəbulunun 35-ci ildönümü münasibətilə xalqına sülh və suverenlik mesajı verilib
Ermənistan Milli Məclisinin sədri Alen Simonyan Ermənistan Müstəqillik Bəyannaməsinin qəbulunun 35-ci ildönümü münasibətilə təbrik müraciəti ilə çıxış edib.
Crossmedia.az xarici mətbuata istinadən xəbər verir ki, Simonyan bildirib ki, son hadisələr dövlət qarşısında yeni tarixi imkanlar açıb və Ermənistan Respublikasının müstəqilliyini və suverenliyini daha da möhkəmləndirib. O vurğulayıb ki, bu gün xalq müstəqilliyin və suverenliyin dəyərini heç vaxt olmadığı qədər dərk edir və sülh məhz bu müstəqilliyi möhkəmləndirir, ölkənin inkişafına və vətəndaşların layiqli həyatına şərait yaradır.
Sədr əlavə edib ki, Ermənistan indi təkcə müstəqil deyil, həm də sülh şəraitində yaşayır və bu, xalqın düzgün qərarlarının nəticəsidir. Alen Simonyan həmvətənlərini 35-ci ildönüm münasibətilə təbrik edərək müstəqilliyin və sülhün əbədi olmasını arzulayıb.
Pərvin Hacıyeva
13:30 23.08.2025
Oxunuş sayı: 739
