Xarici xəbərlər

Aİ-nin Ermənistandakı müşahidə missiyası fəaliyyətini davam etdirəcək

Avropa İttifaqının (Aİ) Ermənistandakı müşahidə missiyası öz fəaliyyətini davam etdirəcək. Təşkilatın rəsmi mövqeyinə görə, missiyanın mandatında mümkün dəyişikliklər yalnız İrəvan və Brüssel arasında aparılacaq danışıqlar nəticəsində müəyyənləşdiriləcək.

Crossmedia.az xarici mediaya istinadən bildirir ki, Aİ-nin xarici siyasət üzrə rəsmi nümayəndəsi Peter Stano Hipper məsələ ilə bağlı açıqlamasında missiyanın əsas məqsədinin regionda sabitlik və təhlükəsizliyin qorunmasına xidmət etdiyini bildirib. Onun sözlərinə görə, Aİ tərəfi mandatın hər hansı dəyişikliklərini Ermənistan hökuməti ilə sıx əməkdaşlıq çərçivəsində müzakirə edəcək.

Hipper vurğulayıb ki, missiya sərhəd bölgələrində monitorinq aparmaqla yanaşı, gərginliklərin qarşısının alınmasına və regionda etimadın bərpasına töhfə vermək üçün fəaliyyətini davam etdirəcək. Hazırda missiyanın Ermənistanda yüzlərlə müşahidəçisi var və onların işi həm siyasi, həm də texniki dəstək vasitəsilə koordinasiya olunur.