Zəngəzur dəhlizi ilə bağlı mühüm qərar: "Paşinyan nə ABŞ-yə güvənir, nə də Rusiyaya..."
"Erməni problemi 150 ildir Yaxın Şərqin ən böyük problemidir. Ermənilərdən Qərb dövlətləri əvvəlcə Osmanlıya qaşrı istifadə ediblər. Sonra da bu "kart" Rusiyanın əlinə keçdi".
Bu sözləri Azərbaycan Prezidenti İlham Əliyevlə Ermənistan baş naziri Nikol Paşinyanın ABŞ-də gözlənilən görüşünün mümkün nəticələri Crossmedia.az-a danışan Kütahya universitetinin professoru, politoloq Hüseyn Şeyhanlıoğlu deyib.
O, bildirib ki, 2020-ci ildəki İkinci Qarabağ müharibəsindən sonra vəziyyət yenidən dəyişdi: "Ukrayna ilə müharibənin balanması nəticəsində Rusiyanın imkanları zəiflədi. Beləliklə, Ermənistan "kartı" yenidən Qərbin əlinə keçdi. İndi ABŞ Zəngəzur dəhlizini yüz illik icarəyə götürmək istəyir. Fikrrmcə, buna şərait yaratmaq olmaz. Zəngəzur dəhlizi ilə bağlı Azərbaycan, Türkiyə və Ermənistan arasında konsensus əldə olunnmalıdır".
Ekpsertin fikrincə, ABŞ bu proseslərdə öz maraqlarını güdür: "Əslində görüşdən xüsusi bir gözləntim yoxdur. ABŞ-yə pay vermək, proseslərin iştirakçısına evirmək olmaz. Məncə, bunu tərəflər də anlayır. Ermənistan baş naziri Nikol Paşinyan bu günlərdə demişdi ki, o, nə ABŞ-yə güvənir, nə də Rusiyaya. Ermənistan Türkiyə ilə əlaqələrini inkişaf etdirmək niyyətindədir. Amma ABŞ-dəki erməni diapsoru bunu istəmir, iqtidarı dəyişməyə çalışır. Hərçənd fikrimcə, bu da asan məsələ deyil".
Kənan Novruzov
13:05 07.08.2025
Oxunuş sayı: 9014
