Tayland-Kamboca sərhədində toqquşmalar: 15 nəfər ölüb, 46 nəfər yaralanıb
Taylandın Kamboca ilə sərhədində baş verən silahlı toqquşmalar nəticəsində azı 14 mülki şəxs və 1 hərbçi həlak olub, daha 46 nəfər müxtəlif dərəcəli xəsarətlər alıb.
Crossmedia.az xəbər verir ki, bu barədə Tayland Səhiyyə Nazirliyi məlumat yayıb.
Nazirliyin açıqlamasına görə, ölənlərin beşi Surin vilayətində, doqquzu isə Sisaket vilayətində qeydə alınıb. Sisaketdə həlak olanlar arasında bir hərbi qulluqçu da var. Ubonratçatxani vilayətində isə bir yerli sakin həyatını itirib.
Silahlı qarşıdurma iyulun 24-ü səhər saatlarında Odor-Miençey vilayətinə yaxın, mübahisəli sərhəd zonasında baş verib.
Artan gərginlik səbəbindən Taylandın Kamboca ilə sərhəddə yerləşən vilayətlərindən 100 mindən çox insan ərazini tərk edib.
Xumar Emilqızı
11:32 25.07.2025
Oxunuş sayı: 7281
