Rusofilliyə görə bloger saxlanıldı
Qazaxıstanda rusofil və Rusiya tərəfdarı mövqeyi ilə tanınan bloger Aslan Tuleqanov 10 sutka inzibati həbs cəzası alıb.
Crossmedia.az xarici mediaya istinadən bildirir ki, Tuleqanov sosial şəbəkələrdə Rusiyanı və “rus dünyası” ideyasını təbliğ edən videolar yayımlayıb. O, Rusiyanın “bəşəriyyətin inkişaf mərhələsində oynadığı rolu” vurğulayan paylaşımlar edib.
Onun xarici görünüşündən İslam dininə etiqad etdiyi ehtimal edilir. Bu isə bəzi istifadəçilər tərəfindən tənqid olunub. Belə ki, İslamın ərəb mənşəli olduğu xatırladılaraq, Tuleqanovun rus mədəniyyətini üstün tutması suallar doğurub.
Bəzi şərhçilər isə onun “rus dünyası”nı tərifləməsinə qarşı çıxaraq bildiriblər ki, hazırda “rus dünyası” Ukraynada müharibə aparır, Tuleqanov isə “ondan uzaqda” təbliğatla məşğuldur.
Zəhra Ağayeva
21:10 24.07.2025
Oxunuş sayı: 6716
