İdlibdəki partlayışda bir neçə nəfər həyatını itirib
Suriyanın İdlib şəhərində baş verən partlayış nəticəsində bir neçə nəfər həyatını itirib.
Crossmedia.az Al Arabiyaya istinadən bildirir ki, partlayış Maarrat-Misrin bölgəsində baş verib. Hadisənin səbəbi hələlik məlum deyil.
Rusiya: Ermənistan və Azərbaycan arasında birbaşa dialoqun başlanmasını alqışlayırıq
Rusiya Ermənistan və Azərbaycanın ikitərəfli münasibətlərin normallaşdırılması istiqamətində birbaşa dialoqu seçməsini hörmətlə qarşılayır. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Rusiya KİV-ə açıqlamasında bildirib.
Zaxarova qeyd edib: “Bir məqamda Ermənistan və Azərbaycan birbaşa ikitərəfli dialoqa üstünlük verdilər, biz bu seçimi hörmətlə qarşılayırıq. Axı, onlara bir-biri ilə razılaşmaq və qonşu kimi yaşamaq lazımdır. Əgər birbaşa dialoqa imkan tapıblarsa, deməli, bizim dediklərimizin əksəriyyəti nəticə verir.”
O əlavə edib ki, Rusiya tərəfi “partnyorlarına ehtiyac duyulan dəstəyi göstərməyə hələ də hazırdır”. Bununla yanaşı, o, Qərbin “erməni-azərbaycan normallaşmasını regional çərçivədən çıxarmağa çalışdığını” da vurğulayıb.
Zaxarova bildirib ki, Moskva “Vaşinqtonun regionda nəqliyyat blokadasının aradan qaldırılması prosesinə qarışmaq cəhdlərini” də müşahidə edir.
“Əslində, Rusiyanın, Ermənistanın və Azərbaycanın baş nazir müavinlərinin həmsədrliyi ilə yaradılmış üçtərəfli işçi qrup çərçivəsində görülən işlərdən əlavə Qərbin təklif edə biləcəyi yeni heç nə yoxdur,” – deyə Zaxarova qeyd edib.
Mehriban Yariyeva
16:18 24.07.2025
Oxunuş sayı: 5120
