Gündəm

Azərbaycan müdafiə naziri İtaliyanın Baş Qərargah rəisini qəbul edib

Azərbaycanın müdafiə naziri general-polkovnik Zakir Həsənov ölkədə səfərdə olan İtaliya Silahlı Qüvvələrinin Baş Qərargah rəisi general Luçano Portolanonu qəbul edib.

Crossmedia.az xəbər verir ki, bu barədə Müdafiə Nazirliyi məlumat yayıb.

Hərbi əməkdaşlığın mövcud vəziyyətini müsbət qiymətləndirən nazir Azərbaycan-İtaliya münasibətlərinin daha da genişləndirilməsinin digər sahələrdə olduğu kimi hərbi sahədə də xüsusi əhəmiyyətə malik olduğunu bildirib.

Qarşılıqlı səfərlərin əhəmiyyətini diqqətə çatdıran general L.Portolano ölkələr arasında hərbi əməkdaşlığın hər iki ölkə ordusunun inkişafına töhfə verəcəyini vurğulayıb.

İtaliyanın Azərbaycandakı səfiri Luka Di Canfrançeskonun da iştirak etdiyi görüşdə hərbi, hərbi-texniki, hərbi təhsil sahələrində əməkdaşlığa, həmçinin regional təhlükəsizliyə dair maraq doğuran məsələlər müzakirə olunub.

🖨 Çap et

12:18 24.07.2025

Oxunuş sayı: 1261

Oxşar xəbərlər

Ceyhun Bayramov Hakan Fidanla Azərbaycanla Ermənistan arasında davam edən normallaşma barədə fikir mübadiləsi aparıblar YENİLƏNİB

Ermənistan silahlı qüvvələrinin hücumları nəticəsində yaralanmış, mülklərini itirmiş, əsirlikdə və girovluqda olmuş zərərçəkmiş şəxslər məhkəmədə ifadə veriblər