Pezeşkian təhdid etdi, İran ətrafında vəziyyət qarışdı – Yeni hücum anonsu
İran Prezidenti Məsud Pezeşkianın İsraillə bağlı son açıqlaması Yaxın Şərqdə narahatlıq doğurub. Pezeşkian ehtiyac yaranacağı təqdirdə İranın İsrail ərazisinə yenidən zərbələr endirməyə hazır olduğunu bildirib.
O, Tehranın milli təhlükəsizliyə və regional sabitliyə təhdid yaranacağı təqdirdə sərt addımlar atmaqdan çəkinməyəcəyini söyləyib. İran prezidentinin ABŞ-la nüvə danışıqlarının dayandırılması fonunda belə bir bəyanat verməsi diqqət çəkir.
Bu bəyanat sadəcə ritorik çıxış, yoxsa real hərbi qarşıdurma anonsu kimi dəyərləndirilməlidir? Pezeşkianın sözləri kimə ünvanlanıb?
Crossmedia.az xəbər verir ki, bu barədə Yaxın Şərq məsələləri üzrə ekspert Vüqar Zifəroğlu Globalinfo.az-a açıqlamasında bildirib. O həmçinin qeyd edib ki, İran mövcud strategiyasını “əgər ehtiyac olsa, İsrail ərazisinə yenidən zərbə endirməyə hazırıq” deyərək açıq şəkildə ortaya qoyub:
“İranın ritorikasında həm daxili, həm də xarici auditoriyaya müəyyən mesajlar var. Ölkənin yüzlərlə raket və dron potensialı hələ də aktivdir, lazım gəldikdə istifadə edilə bilər. Mövcud vəziyyətdə İranın cavabı ciddi şəkildə müzakirələrə səbəb olsa da, ABŞ və regiondakı müttəfiqlər bunun eskalasiyaya gətirib çıxarmasını istəməz.
09:58 24.07.2025
Oxunuş sayı: 9426
