Suriya Türkiyədən rəsmi olaraq yardım istəyib
Türkiyə Milli Müdafiə Nazirliyinin nümayəndəsi Suriyanın Əs-Suveydə şəhərində baş verən toqquşmalar və İsrailin Dəməşqə hücumları ilə bağlı sualları cavablandırarkən bildirib:
“İsrailin xüsusilə Əs-Suveydənin cənub bölgəsində son vaxtlar artırdığı hücumları Dəməşq hökuməti ilə druz icması arasında gərginliyi daha da artırıb. Türkiyə Suriyanın ərazi bütövlüyünün qorunması, sabitliyin təmin olunması və terror təşkilatlarına qarşı mübarizə məsələsində qətiyyətli mövqeyini qoruyur.
Crossmedia.az xəbər verir ki, bu barədə CNN məlumat yayıb.
Milli Müdafiə Nazirliyi yeni Suriya hökuməti ilə sıx əməkdaşlıq edir. Suriya hökuməti ölkənin müdafiə qabiliyyətinin gücləndirilməsi və xüsusilə İŞİD olmaqla bütün terror təşkilatlarına qarşı mübarizədə Türkiyədən rəsmi olaraq dəstək istəyib. Bu müraciətə cavab olaraq, Türkiyə Suriyanın müdafiə qabiliyyətini artırmaq üçün təlim, məsləhət və texniki dəstəyini davam etdirir.”
Nigar Rəhimova
21:17 23.07.2025
Oxunuş sayı: 5475
