Paşinyan Katolikosun vəzifədən uzaqlaşdırılması planını açıqladı
Ermənistanın Baş naziri Nikol Paşinyan bütün ermənilərin Katolikosu II Qaregini vəzifədən uzaqlaşdırmaq planını açıqlayıb.
Crossmedia.az xəbər verir ki, bu barədə o, şəxsi “Facebook” hesabında paylaşım edib.
Paşinyanın sözlərinə görə, ilk mərhələdə II Qaregin I Taxtdan azad ediləcək. Daha sonra baş nazir Erməni Apostol Kilsəsinin Nizamnaməsini dəyişdirməyi planlaşdırır. Yeni sənədin “dünyəvi, qısa və hər kəs üçün anlaşılan” olacağı bildirilir.
Nizamnamə yeniləndikdən sonra Katolikos seçkiləri keçiriləcək. Seçkilər zamanı bütün namizədlərin vicdanlılığı yoxlanılacaq. Lakin bu prosesin necə həyata keçiriləcəyi barədə Paşinyan hər hansı detal paylaşmayıb.
Nigar Rəhimova
19:04 23.07.2025
Oxunuş sayı: 5498
