İstanbulda IDEF 2025 sərgisi ziyarətçilər üçün qapılarını açır
Bu gün İstanbulda keçirilən 17-ci Beynəlxalq Müdafiə Sənayesi Sərgisi – IDEF 2025 ziyarətçilər üçün qapılarını açır.
Crossmedia.az Türkiyə mətbuatına istinadən xəbər verir ki, sərgidə 1000-dən çox xarici qonaqdan ibarət yüksək rütbəli nümayəndə heyətləri iştirak edəcək. Onların arasında bir sıra ölkələrin prezidentləri və silahlı qüvvələrinin komandanları da yer alır. Eyni zamanda, 44 ölkədən şirkətlər sərgidə 400-dən artıq məhsul çeşidini təqdim edəcəklər.
Bu il innovativ texnologiyaları ilə xüsusi diqqət çəkən IDEF 2025 çərçivəsində müxtəlif tədbirlərin İstanbulun müxtəlif məkanlarında keçirilməsi nəzərdə tutulur.
Sərginin açılış mərasimi Atatürk Hava Limanında açıq səma altında baş tutacaq. Tədbir zamanı quru texnikası və hava platformalarının paradı təşkil olunacaq.
Eyni vaxtda Ataköy limanında lövbər salmış 14 müxtəlif dəniz platforması da açılış mərasimində iştirak edəcək.
Xumar Emilqızı
21:41 22.07.2025
Oxunuş sayı: 762
