Druzlar İsrailə etiraz edir: “Bizi tək qoydular”
İyulun 18-də İsrailin qərarı ilə Suriyada keçid dövrü prezidenti Əhməd əş-Şəraa bağlı məhdud sayda qüvvələr Əs-Süveyda vilayətinə daxil olub. Bu addım ABŞ-ın vasitəçiliyi ilə iyulun 16-da əldə olunan atəşkəsə baxmayaraq, bölgədə druzlarla bədəvilər arasında davam edən toqquşmalar fonunda atılıb.
Crossmedia.az xəbər verir ki, bu barədə CNN məlumat verib.
İsrailin bu qərarı vilayətdə yaşayan druz icmasının narahatlığına səbəb olub. Yerli sakinlərin sözlərinə görə, druzlarla döyüşən silahlı bədəvi dəstələri bölgədəki bir silah və raket anbarını ələ keçirib. Druzlar İsrailə müraciət edərək “Bizi bu şəkildə necə xəyanətə uğrada bilərsiniz?” sualını ünvanlayıblar.
Qeyd edək ki, İsrailin bu addımı Baş nazir Benyamin Netanyahunun “İsrail Suriyanın ordu qüvvələrinin bu bölgəyə girməsinə imkan verməyəcək” bəyanatından cəmi bir gün sonra baş verib.
Nigar Rəhimova
00:22 19.07.2025
Oxunuş sayı: 9055
