Gürcüstan parlament sədri Aİ-ni siyasi təzyiqdə ittiham etdi
Gürcüstan parlamentinin sədri Şalva Papuaşvili Avropa İttifaqının (Aİ) ölkəsinə qarşı siyasi təzyiqlər etdiyini bildirib. Onun sözlərinə görə, Aİ Gürcüstanın daxili işlərinə qarışır və bu, xüsusilə ötən ilin payızında keçirilən parlament seçkilərinə müdaxilədə özünü göstərib.
Crossmedia.az xəbər verir ki, bu barədə CNN məlumat verib.
Papuaşvili həmçinin bildirib ki, Aİ Gürcüstana saxta seçimlər təqdim edir: “Guya Aİ-yə üzv olmaq istəyirsənsə, kişi qadın ola bilər düşüncəsini də qəbul etməlisən.”
Viza rejiminin dayandırılması məsələsinə də toxunan parlament sədri qeyd edib ki, bunun üçün heç bir əsas yoxdur: “Brüssel Gürcüstana qarşı siyasi təzyiq vasitəsi kimi bəhanələrdən istifadə edir. Gələcəkdə bu tələblər daha da absurd ola bilər və bu, əsas problemi yaradır - viza rejiminin təzyiq alətinə çevrilməsi.”
Nigar Rəhimova
22:04 18.07.2025
Oxunuş sayı: 6608
