İran ABŞ-ni nüvə danışıqlarının pozulmasında ittiham edib
İranın xarici işlər naziri Abbas Əraqçı, 2015-ci il nüvə sazişi ilə bağlı danışıqların uğursuzluğunda ABŞ-ni ittiham edib. O, “X” hesabında paylaşım edərək bildirib ki, Vaşinqton bu ilin iyununda razılaşmadan çıxmaqla və danışıqlar masasını tərk etməklə prosesi pozub.
Crossmedia.az-ın məlumatına görə, Əraqçı bu fikirləri Avropa üçlüyünün (Almaniya, Fransa, Britaniya) və Aİ nümayəndələrinin iştirakı ilə keçirilən telekonfransdan sonra səsləndirib. Onun sözlərinə görə, ABŞ dialoqu deyil, hərbi təzyiq yolunu seçib və danışıqların növbəti mərhələsi yalnız “ədalətli və qarşılıqlı faydalı” razılaşma üçün hazırlıq olduqda mümkün ola bilər.
Nazir Aİ-ni İrana qarşı təzyiq və təhdid siyasətindən əl çəkməyə çağırıb və Avropanın bu davranış üçün nə mənəvi, nə də hüquqi əsasının olmadığını vurğulayıb. Avropa üçlüyü isə İrana avqustun sonuna qədər vaxt verib – əgər nüvə razılaşması əldə olunmasa, yeni sanksiyalar gündəmdədir.
18:28 18.07.2025
Oxunuş sayı: 7733
