ABŞ Rusiyanı Zəngəzurdan sıxışdırıb çıxarmağa çalışır
Ermənistan Xarici İşlər Nazirliyinin nümayəndəsi Ani Badalyan ABŞ-nin İrəvan və Bakıya Zəngəzur nəqliyyat dəhlizinə nəzarətin ABŞ şirkətinə verilməsini təklif etdiyinə dair nəşrləri şərh edib.
Crossmedia.az bu barədə “Lenta.ru” nəşrinə istinadən məlumat verir.
Badalyan qeyd edib ki, Ermənistan müntəzəm olaraq beynəlxalq tərəfdaşlardan Ermənistanla Azərbaycan arasında münasibətlərin normallaşmasına yönəlmiş müxtəlif təkliflər alır.
“Beynəlxalq tərəfdaşlar mütəmadi olaraq iki ölkə arasında münasibətlərin normallaşdırılması, eləcə də nəqliyyat infrastrukturunun blokdan çıxarılması ilə bağlı öz ideyalarını təqdim edirlər”, - deyə Badalyan ABŞ-nin təklifinin mövcudluğunu təsdiqləmir, lakin həm də təkzib etmir.
Nəşr bildirib ki, iyulda Azərbaycan Prezidenti İlham Əliyevlə Ermənistanın Baş naziri Nikol Paşinyan arasında Dubayda görüş planlaşdırılır, orada tərəflərin sülh sazişi imzalayacağı istisna edilmir.
13:30 07.07.2025
Oxunuş sayı: 705
