Alimlər ilk dəfə anadangəlmə kar insanlara eşitmə qabiliyyətini qaytara biliblər
Çin və İsveçdən olan tədqiqatçılar ilk dəfə olaraq OTOF genindəki mutasiya səbəbilə yaranan eşitmə qüsurunu müalicə etmək üçün gen terapiyasını uğurla tətbiq ediblər.
Crossmedia.az xəbər verir ki, bu barədə IFLScience məlumat yayıb.
Qeyd olunub ki, bu genin düzgün işləməməsi səbəbindən otoferlin adlı əsas zülal orqanizmdə sintez olunmur və bu da səslərin sinir sisteminə ötürülməsini mümkünsüz edir.
Tədqiqatda 1 yaşdan 24 yaşa qədər olan 10 pasiyent iştirak edib. Daxili qulağa bir dəfəlik inyeksiya (iynə) edildikdən cəmi bir ay sonra bütün iştirakçılarda eşitmə qabiliyyətində yaxşılaşma müşahidə olunub.
Ən yaxşı nəticələr kiçik uşaqlarda qeydə alınsa da, 6 aylıq müşahidə göstərib ki, böyüklərdə də eşitmədə nəzərəçarpacaq dərəcədə inkişaf olub. Eşidilən səsin orta yüksəkliyi 106 desibeldən 52 desibelə qədər yaxşılaşıb.
Nigar Mustafa
23:16 06.07.2025
Oxunuş sayı: 4941
